ШИГЪРИ ТӘЛГӘШЛӘР

Үзем турында
Иртән торып эшкә йөрмим –
Мин инде пенсиядә.
Тик шулай да бер тик тормыйм,
Мин һаман движениедә.
Сезгә минем әйтер сүзем:
Парикмахер да мин үзем.
Һәр эшкә дә өлгерәм,
Ашарга да пешерәм.
Картымны эшкә озатам,
Оныгымны ашатам.
Арыдым дип зарланмыйм,
Җырлап-биеп, уйнап-көлеп,
Барысын үземә каратам.
Гаиләбез ишле безнең -
Онык, киявем, кызым.
Гел хәрәкәттә булсак без
Гомерләр булыр озын.

Бала чак һәм хәзерге чак
Бала чакта йокы тәмле,
Шикәр балдай татлы иде.
Гөнаһсыз сабый булганга,
Уйлар да якты иде.
Без үскәндә таулар биек,
Болыннар да киң иде.
Кешеләр дә мәрхәмәтле,
Бер-берсенә тиң иде.
Тормыш мәшәкате белән
Тупасланган йөрәкләр.
Шулай да бер-беребезгә
Телик изге теләкләр.
Дога укып сафланыйк без –
Каралган бит безнең җан.
Дога укыйк, күңел пакълыйк,
Яктырып атар һәр таң.