Питрәч балаларының сәламәтлек атнасы

Тәрбиячеләр балаларга үзеңнең сәламәтлегең турында ничек кайгыртырга кирәк икәнлеге турында сөйләделәр.

Шушы көннәрдә "Чисталык яратучылар" исемле чара үтте. Балалар бакчасы тәрбияләнүчеләре бер-берсен дөрес итеп юынырга һәм чәч тарарга өйрәттеләр.

Шулай ук бу атна барышында, балалар яшелчә һәм җиләк-җимешләрнең файдасы турында күп кызыклы мәгълүмат белделәр. Ә "Каенкай" балалар бакчасы шәфкать туташы балалар белән "Витаминнарның файдасы" темасына әңгәмә үткәрде.