Алдагы ял көннәрендә Татарстанда кырау төшәргә мөмкин
Татарстанның Гидрометеорология үзәге тараткан фаразлар шуны күрсәтә.
Атна ахырында Татарстанда төнлә суыклар көтелә.
Чәршәмбе, 18 майда һәм пәнҗешәмбе, 19 майда, төбәк циклонның тыл өлешендә кала. Вакыты белән яңгырлар явачак.
18 май көнне көндез кайбер урыннарда яшенле яңгыр һәм тизлеге секундына 15-18 метрга кадәр җитә торган көчле җил көтелә. Төнлә һава температурасы +3..+8 градус, көндез +10..+15 градуска кадәр җылылык күрсәтәчәк, дип билгеләп үтә синоптиклар.
Метеорологларның якынча мәгълүматлары буенча, җомга, 20 майда һәм шимбә көнне, 21 майда, Татарстан түбән атмосфера басымы кыры йогынтысында калачак. Димәк, республикага салкын һәм яңгырлы һава торышы килә.
Төнлә һава температурасы +1..+6 градуска кадәр булачак, өстәвенә, туфракта һәм һавада урыны белән -1 градуска кадәр кырау төшәргә мөмкин. Көндез +7..+12 градуска кадәр җылыта.
Бу хакта тулырак: https://tatar-inform.tatar/news/yal-konnarenda-tatarstanda-kyrau-tosarga-momkin-5854664
Следите за самым важным и интересным в Telegram-каналеТатмедиа
