Белгечләр банк карталары белән алдауның яңа ысулы барлыкка килү турында кисәтә

Интернетта банк карталсы турында белешмәне тикшерә торган фейк сайтлар барлыкка килде. Имеш, мондый сайтларда картаның номеры һәм коды алдап талаучыларга күчкәнме-юкмы икәнлеген тикшерергә була.

Мошенниклыкның мондый яңа төре чыгуы турында Роскачество кисәтте.

Күптән түгел Россиядә яшәүче 100 меңнән артык кешенең банк картасы мәгълүматлары даркнетка эләгүе турында хәбәр чыкты. Шуңа бәйле рәвештә, җинаятьчеләр карталарны махсус сайтларда «тикшерергә» тәкъдим итә. Алар җибәргән хәбәрләрдә язылганча, картаның күләгәдәге форумнарга эләгү яки эләкмәвен тикшеререгә кирәк.

Банк карталарын тикшерә торган бердәм рәсми сервис юк. Интернеттагы мондый сервисларның барысы да мошенникларныкы», — дигән ведомствоның цифрлы продуктларны тестлау буенча өлкән белгече Сергей Кузьменко.

Аның сүзләренчә, шикле сайтларга мәгълүматларны кертергә яки телефоннан сөйләшкәндә мәгълүматларны чит кешеләргә әйтергә ярамый.