Ел башыннан Питрәч районында 4 янгын очрагы теркәлгән

Һәр очрак район башкарма комитеты җитәкчесе Альберт Хәбибуллин рәислегендә узган Гадәттән тыш хәлләр буенча район комиссиясе утырышында җентекләп тикшерелде.
Янгыннарның төп сәбәбе - ут белән саксыз эш итү, электр җиһазларын һәм мичләрне куллану кагыйдәләрен бозу. Янгыннар белән бәйле хәлләрне тотрыкландыру өчен районда профилактика айлыгы игълан ителде. Бу чорда янгын вакытында түбән тотрыклы булган күп фатирлы йортларны, түләмәгән өчен  газ һәм электр өзелгән торак йортларны исәпкә алу һәм тикшерү үткәреләчәк.
Янгын куркынычсызлыгының мәҗбүри таләпләре турында халыкка махсус профилактик төркемнәр хәбәр итәчәк. Алар составында янгын сагы, полиция, авыл җирлекләре, социаль яклау бүлеге, ирекле янгын сагы, иминият оешмалары вәкилләре бар.
Күп балалы гаиләләргә, ялгыз өлкән яшьтәге кешеләргә һәм халыкның социаль-имин булмаган катламнарына аерым игътибар бирү йөкләнде. Шулай ук тәртипсез яшәү рәвеше алып баручы кешеләргә.