Алга
  • Рус Тат
  • Гомер буе берсен-берсе ярты сүздән аңлап яшәгәннәр

    Пимәрдә яшәүче Хөсәеновлар - Фәйзрахман Габдрахман улы һәм Галимә Гарифулла кызы 65 ел никахта яшәгән. Алар быел шушы олуг бәйрәмнәрен билгеләп үтте.

    Бүгенге яшьләр шулкадәр гомер бергә яшәгәнне ишетеп "Булмас!" дип әйтергә мөмкиннәр. Чөнки аларның күпчелеге гаилә җепләрен никахлашуның берничә аеннан соң ук өзә. Әмма факт факт булып кала.
    Иң беренче чиратта, гаилә парының сан белән түгел, сыйфат белән алдырулары хөрмәт һәм гаҗәпләнү уята. Алар һәрвакыт матур яшәгән, бер-берсен аңлап, яратып, авыр минутларны бергә кичергәннәр. Яхшы балалар да үстергәннәр. Гомер буе намус белән эшләгәннәр, эш сөйгәннәр. Моңа балаларын да кече яшьтән өйрәткәннәр.
    Фәйзрахман абый, үзен хөрмәт иткән һәрбер ир-ат кебек, үз кулы белән йорт салып чыга. Бүген анда ялгызы гына яшиләр. Балаларының үз гаиләләре бар. Алар да әти-әниләре кебек, балалар үстерә, мәхәббәттә яшиләр. Ата-ана биргән тәрбия заяга китмәгән. Һәммәсе дә җәмгыятьтә хөрмәтле кешеләр.
    Гаиләдә иң өлкәне Галия апа да инде лаеклы ялда. Ул колхозда сыер сауган. Әби-бабайның сигез оныгы, алты онык балалары бар.
    Хөсәеновлар Пимәрдә туып-үскәннәр. Аларның әти-әниләре дә гомер буе шунда яшәгән. Фәйзрахман абый белән Галимә апа да читкә чыгып китү турында уйлап та карамаганнар. Гаилә башлыгы авылын бер генә тапкыр - 1941 елда калдырып китә.
    - Мин өйдә дә түгел идем ул чагында. Безне ниндиднр ашыгыч эшкә җибәргәннәр иде. Һәм шунда сугыш башлануы турында хәбәр иттеләр, - дип искә ала ул чакларны Фәйзрахман абый. - Безне тиз генә җыеп, Ерак Көнчыгышка озаттылар. Анда Япония чигендә хезмәт иттем. Бары 1947 елда гына кайтып кердем.
    Туган авылына кайткач, колхозга эшкә урнаша. Бригадир да була, кладовщик та... Соңгы елларда, пенсиягә чыгар алдыннан, атлар карый. Ул бу игелекле, тыныч хайваннарны бик ярата. Аның атлар яратуын өчен авылда Ат бабай дигән кушаматы да бар.
    - Пенсиягә чыккач та атлардан аерылмады, - дип сөйли аның бу сыйфаты турында Пимәр авыл җирлеге башлыгы Альмира Галиева. - Иртәдән урманга китәр, йә туганы Фирдәвесне дә ала. Үләннәр, гөлҗимеш җыеп кайталар. Табигатьтә йөрү аның өчен сулыш алган кебек. Ике еллап элек кенә атлардан аерылды. Чөнки аларны карарга хәле җитми башлады, - ди ул.
    Чыннан да, быел 14 октябрьдә бабайга 90 яшь тула. Әмма бу гомер аның тормышны яратуын чикләмәгән: ул, элеккечә, көр күңелле, хәтере яхшы, көч-куәте җитәрлек. Галимә апа бераз бирешкән. Аңа - 86 яшь. Ул сугыш елларында тракторда эшләгән. Аннары - терлекчелектә.
    Шулай да зарланмыйча яшиләр, терлекләрен дә үзләре карый, йорт-җирне дә тәртиптә тоталар.
    Аларның мәхәббәт тарихы бик гади. Язмыш аларны аулак өйләрнең берсендә таныштыра. Яшь, чибәр Фәйзрахманны тыныч, сабыр холыклы Галимә шунда ук күреп ала. Егеткә ул чагында 25 яшь була. Берара вакыттан соң алар өйләнешергә була.
    - Туй булдымы соң? - дип сорыймын.
    Нинди туй. Ул чакларда аны уйлап тору идемени. Сугыштан соң өч кенә ел үткән. Ашарга- эчәргә такы-токы гына. Никах укыттык. Ата-анадан аерылып, мөстәкыйль яши башладык. Землянкада. Аннары йорт җиткердек, - дип сөйли бабай. - Бөтенесен бергә эшләргә тырыштык. Мин күпме тьрышсам, тормыш иптәшем дә калышмады. Шулай итеп гомер иттек. Балалар да, Аллага шөкер, онытмыйлар. Әнә, яңа койма корып киттеләр, пластик тәрәзә ясалды. Рәхмәт аларга, карыйлар безне.
    Сүзен дәвам итеп, бүгенге тормышның рәхәтлеге турында сөйләп китте.
    - Элек мич ягарга да әйбер юк иде. Кайчак салам да яктык. Аңардан җылы бер дә юк, диярлек. Әйләнә-тирәдә урман булса да, катлаулырак иде. Хәзер, әнә, утын да кирәкми. Газ белән җылытабыз өйләрне. Пенсияне дә вакытында китерәләр. Ашарга-эчәргә бар, - дип сөйли бабай.
    Шуны да әйтеп китәргә кирәк, Фәйзрахман абыйны хөкүмәтебез онытмый. Бөек Ватан сугышында катнашучы буларак, аңа фатир бирәләр.
    65 ел никахта тору... Артта тулы бер гомер. Җиңел булмагандыр, билгеле. Әмма бәхетле гомер. Балалар, оныклар үскән, йорт-җирләре җитеш. Быел аларның тимер туйлары. Бу нык мөнәсәбәтләрне аңлатучы символ. Мондый бәйрәмнәр күп кешегә татымый. Бик бәхетлеләргә генә насыйп була мондый бәхет.

    Нравится
    Поделиться:
    Реклама
    Комментарии (0)
    • 25 май 2018 - 10:54
      ШИГЪРИ ТӘЛГӘШЛӘР Наилә САФИНА Шәле
      45
      0
      0
    • 25 май 2018 - 10:48
      Каникуллар күңелле генә түгел, файдалы да үтәчәк Уку елы тәмамлануын белдергән соңгы кыңгырау чыңлау белән укучыларның әти-әниләрендә каникуллар вакытында балаларны ни белән кызыксындырырга дигән сорау туа. Традицион рәвештә, бу сорауга җавап итеп питрәчлеләргә берничә вариант тәкъдим иттеләр. Безнең районда балалар ялын оештыру мәсьәләсенә бик җаваплы карыйлар, шуңа күрә аны гамәлгә ашыруда күп кенә оешмалар катнаша.
      42
      0
      0
    • 25 май 2018 - 10:45
      Керәшеннәр Тройсынга әзерләнә Җәй башы – ул сабантуйлар чоры. Безнең райондагы керәшен авылларында бу бәйрәм Тройсын буларак билгеләп үтелә.
      50
      0
      0
    • 25 май 2018 - 10:41
      Алга таба да иҗат итүегезне дәвам итегез Мәктәпне тәмамлау – бу һәрвакытта да тормышның яңа этабы башлануын белдерә, әмма кемдер өчен бу үткән юлларга әйләнеп карау, авырлыкларны җиңеп, ирешелгән уңышларны барлау да. Быел сәнгать мәктәбен тәмамлаучы балалар бу турыда күп сөйли ала. Чөнки аларның һәр җиңүендә, һәр бүләгендә – айлар, атналар, сәгатьләр буенча сузылган хезмәт ята.
      43
      0
      0
    • 25 май 2018 - 10:35
      Балачак белән хушлашыр вакыт җиткән Бу көнне мәктәп укучылары зур түземсезлек белән көтеп ала, әмма бу көнне һәркемнең күңелен моңсу хисләр биләп ала. Безнең районның 17 мәктәбендә соңгы кыңгырау чыңлады. Аерылу һәрвакытта да моңсу, күңелсез. Шулай да мәктәпне тәмамлаучыларга озак моңсуланырга туры килми, аларны алда имтиханнар, кызыклы олы тормыш көтә.
      40
      0
      0
    • 23 май 2018 - 15:29
      ХЕЗМӘТЕН ХӨРМӘТЛӘП Татарстан Республикасы Питрәч районы башлыгының коррупциягә каршы көрәш мәсьәләләре буенча ярдәмчесе
      17
      0
      0
    • 23 май 2018 - 14:41
      Ленино-Кокушкинода нинди кызыклы вакыйгалар бар? Ленино-Кокушкино авылында район җитәкчелегенең күчмә эшлекле киңәшмәсе булып узды. Киңәшмәдә катнашучылар һәм район башлыгы Илһам Кашапов төзелүче объектлар, проблемалы участоклар янында булдылар һәм борчулы мәсьәләләр турында фикер алыштылар.
      47
      0
      0
    • 23 май 2018 - 10:52
      Игътибар: фотоконкурс! Декоратив һәм бүлмә гөлләре, клумбалар һәм чәчәк куаклары - ел саен йөзләгән мең гөл матур чәчәк ата. Бу мизгелне игътибарсыз калдырып була мени соң?!
      40
      0
      0
    • 22 май 2018 - 14:47
      Эшебез белән дә, сүзебез белән дә ярдәм итә алабыз Без инде укучыларыбызга Колай авылында яшәүче Кириллова Лиза турында сөйләгән идек. Кызганыч, кечкенә кызның язмышы җиңел түгел. Дүрт ел эчендә аңа күп нәрсәләр кичерергә туры килә.
      73
      0
      0
    • 22 май 2018 - 13:54
      Питрәчнең яшь "йолдызчыгы" ТНВда булды Анда ул "Җырлыйк әле!" телевизион конкурс жюриларын таң калдырды.
      40
      0
      0
    • 18 май 2018 - 11:39
      Приют адым саен үзгәрә Питрәч "Шатлык" социаль приюты яңаруын дәвам итә. Шушы көннәрдә анда кабат балаларның шат авазы яңгырады. Ике айдан соң, ремонтланган азык блогын бәяләр өчен, тәрбияләнүчеләр приютка әйләнеп кайттылар.
      71
      0
      0
    • 18 май 2018 - 08:58
      КЫСКА ХӘБӘРЛӘР КАЗАНДА республика олимпиадаларында җиңүчеләрне, Бөтенроссия мәктәп укучыларының предмет олимпиадаларында җиңүчеләр, призерлар һәм аларны әзерләгән укытучыларын хөрмәтләү тантанасы үтте. Анда район үзәгенең икенче мәктәбе укытучысы Лидия Александрованы һәм укучы Айгөл Әхмәтшинаны бүләкләделәр.
      76
      0
      0
    • 17 май 2018 - 14:58
      Эдуард Дияров Татарстан җир һәм милек мөнәсәбәтләре министры урынбасары итеп билгеләнде Быелның гыйнварында Эдуард Дияров Татарстанның Питрәч районы башлыгы вазифасыннан китте.
      67
      0
      0
    • 25 май 2018 - 14:35
      "Акчарлак" лагерендә яңа корпус төзелде
    • 25 май 2018 - 14:34
      “Каенкай” балалар бакчасында “Чәчәк утырт” экологик акциясе үтте
    • Ленино-Кокушкино музей-тыюлыгында яшь скрипкачылар ансамбле аккомпанементы һәм музыка астында өмә узды
    • Питрәч районында Бөек Җиңүнең 73 еллыгына багышланган парад үтте
    • Питрәчтә “Олы көн бүләге” фестивале булып узды
    • 25 май 2018 - 10:39
      Чәчү алдынгылары үз позицияләрен бирми
      Питрәч аграрийларына чәчү кампаниясе планына билгеләнгән мәйданның 7450 гектарында чәчү эшләре башкарасы калды. Авыл хуҗалыгы һәм азык-төлек идарәсе мәгълүматлары буенча, бүгенге көндә сабан культуралары пландагы 39088 гектарның 31638 гектарында чәчелгән. Чәчү комплекслары һәм чәчкечләр иртә таңнан караңгы кичкә кадәр эшли. Механизаторларның мондый тырыш хезмәте нәтиҗәсендә районда язгы чәчү тәмамланып килә инде.
      34
      0
      0
    • 25 май 2018 - 10:45
      Керәшеннәр Тройсынга әзерләнә Җәй башы – ул сабантуйлар чоры. Безнең райондагы керәшен авылларында бу бәйрәм Тройсын буларак билгеләп үтелә.
      50
      0
      0
    • 25 май 2018 - 10:54
      ШИГЪРИ ТӘЛГӘШЛӘР Наилә САФИНА Шәле
      45
      0
      0
    • 25 май 2018 - 10:41
      Алга таба да иҗат итүегезне дәвам итегез Мәктәпне тәмамлау – бу һәрвакытта да тормышның яңа этабы башлануын белдерә, әмма кемдер өчен бу үткән юлларга әйләнеп карау, авырлыкларны җиңеп, ирешелгән уңышларны барлау да. Быел сәнгать мәктәбен тәмамлаучы балалар бу турыда күп сөйли ала. Чөнки аларның һәр җиңүендә, һәр бүләгендә – айлар, атналар, сәгатьләр буенча сузылган хезмәт ята.
      43
      0
      0
    • 25 май 2018 - 10:48
      Каникуллар күңелле генә түгел, файдалы да үтәчәк Уку елы тәмамлануын белдергән соңгы кыңгырау чыңлау белән укучыларның әти-әниләрендә каникуллар вакытында балаларны ни белән кызыксындырырга дигән сорау туа. Традицион рәвештә, бу сорауга җавап итеп питрәчлеләргә берничә вариант тәкъдим иттеләр. Безнең районда балалар ялын оештыру мәсьәләсенә бик җаваплы карыйлар, шуңа күрә аны гамәлгә ашыруда күп кенә оешмалар катнаша.
      42
      0
      0
    • 25 май 2018 - 10:35
      Балачак белән хушлашыр вакыт җиткән Бу көнне мәктәп укучылары зур түземсезлек белән көтеп ала, әмма бу көнне һәркемнең күңелен моңсу хисләр биләп ала. Безнең районның 17 мәктәбендә соңгы кыңгырау чыңлады. Аерылу һәрвакытта да моңсу, күңелсез. Шулай да мәктәпне тәмамлаучыларга озак моңсуланырга туры килми, аларны алда имтиханнар, кызыклы олы тормыш көтә.
      40
      0
      0
    • 25 май 2018 - 10:39
      Чәчү алдынгылары үз позицияләрен бирми Питрәч аграрийларына чәчү кампаниясе планына билгеләнгән мәйданның 7450 гектарында чәчү эшләре башкарасы калды. Авыл хуҗалыгы һәм азык-төлек идарәсе мәгълүматлары буенча, бүгенге көндә сабан культуралары пландагы 39088 гектарның 31638 гектарында чәчелгән. Чәчү комплекслары һәм чәчкечләр иртә таңнан караңгы кичкә кадәр эшли. Механизаторларның мондый тырыш хезмәте нәтиҗәсендә районда язгы чәчү тәмамланып килә инде.
      34
      0
      0
    Ночной режим