Шушы көннәрдә Питрәч РО РОСТО (ДОСААФ) та "Автоледи-2013" район бәйгесе уздырылды. Бәйге быел икенче тапкыр уздырылды. Узган ел аны беренче тапкыр ЮХИДИ бүлеге белән берлектә РО РОСТО (ДОСААФ) үткәргән иде. Ярыш барлык катнашучыларга да ошады. Чөнки ул трассада түгел автодромда үзеңнең мөмкинлекләреңне ачыкларга ярдәм итә. Бәйгенең беренче өлеше РОСТО (ДОСААФ)...
Шушы көннәрдә Питрәч РО РОСТО (ДОСААФ) та "Автоледи-2013" район бәйгесе уздырылды.
Бәйге быел икенче тапкыр уздырылды. Узган ел аны беренче тапкыр ЮХИДИ бүлеге белән берлектә РО РОСТО (ДОСААФ) үткәргән иде. Ярыш барлык катнашучыларга да ошады. Чөнки ул трассада түгел автодромда үзеңнең мөмкинлекләреңне ачыкларга ярдәм итә.
Бәйгенең беренче өлеше РОСТО (ДОСААФ) бинасындагы компьютер классында үтте. Катнашучылар үзенә күрә бертөрле юл хәрәкәте кагыйдәләре буенча имтихан тапшырды. Беренче булып сорауларга Ландыш Канипова җавап бирде. Икенче урында Екатерина Демидова һәм 3 нче Эльвира Цыганова булды.
Бәйгенең икенче өлеше Питрәч автодромында дәвам итте. Монда инде биремнәр катлаулырак иде. Кызларга күп кенә авыр биремнәрне үтәргә туры килде. Судьялар һәрбер биремнең үтәлешен җентекләп карады. Алар арасында Питрәч ЮХИДИ башлыгы Мидхәт Әхәтовның да булуы кызларны тагын да дулкынландырды. Шулай булса да, катнашучылар сынатмады.
Бу юлы да Ландыш Канипова беренчеләрдән булды. 2 нче урында Екатерина Демидова, 3 нче булып Юлия Саттарова калды.
Ике конкурс нәтиҗәсе буенча җиңүчеләр билгеләнде. Икенче ел рәттән "Автоледи" район конкурсының җиңүчесе булып Ландыш Канипова калды.
- Көндәшләр бик көчле иде, шуңа да бераз киеренкелек тойдым. Тик тамашачылар хуплавы һәм руль артындагы тәҗрибәм миңа быел да җиңәргә ярдәм итте. Әлеге ярышны уздыручыларга һәм көч биреп торучыларга зур рәхмәт җиткерәм", - ди җиңүче.
Икенче урында Екатерина Демидова, өченчедә - Юлия Саттарова калды.
- Мин әлеге ярышта беренче тапкыр гына катнаштым. Бәйге миңа бик ошады. Барлык хатын-кызларыбызны да мондый ярышларда катнашырга чакырам. Мондый чараларда үз-үзеңә ышаныч арта, дәрт өстәлә, - ди ярышта катнашучы Эльвира Цыганова.
Барлык җиңүчеләр дә оештыручыларның истәлекле һәм кыйммәтле бүләкләренә лаек булды. Ә Ландыш Канипова район данын республика конкурсында яклаячак.
