Иске Шигали авылында фельдшер-акушерлык пунктын ачу тантанасы узды

ФАПта беренчел медицина-санитар ярдәм күрсәтеләчәк. Кабул итүне урта медицина хезмәткәре Ания Гайнуллина алып барачак. Хезмәт күрсәтелә торган халыкның гомуми саны – 875 кеше. Бина эчендә прививка ясау, процедура, кабул итү бүлмәләре урнашкан.
ФАП «Сәламәтлек саклау» илкүләм проекты кысаларында «Беренчел медицина-санитар ярдәме күрсәтүне үстерү» төбәк проекты нигезендә  төзелде. Региональ  программа кысаларында район территориясендә барлыгы 11 яңа ФАП һәм 3 табиблык амбулаториясе төзелде.