Хезмәте авыр булса да, җимеше татлы

Ленино-Кокушкино авылында «П.В.Дементьев исемендәге Казан авиация-техник көллияте» филиалы базасында 20 кеше умартачылар курсын тәмамлаган.
Курсларда теоретик, практик дәресләр дә бар иде. Уку имтихан белән тәмамланды: укучыларга үзләренә  рамнар кую, умарта җыю, корпуслар кую һәм башка бик эшләрне башкаруны йөкләделәр.
- Хәзерге вакытта минем 16 умартам бар. Умартачылык күп вакыт таләп итә, әмма ул мине тынычландыра, - дип сөйләде хәзер инде дипломлы умартачы Харис Әхмәтҗанов.
Зефир Әхмәтҗанов та аның белән килешә. Аның өчен бал кортлары – хобби. Ул бал кортларына соклануы турында әйтте.
- Бу иң тырыш җан ияләре. Кешеләргә бал кортлары кебек оешкан төстә эшләргә өйрәнергә кирәк, - ди Зефир Әхмәтҗанов. - Беләсезме, татлы бал бик авыр бирелә. Беренче карашка гынабарысы да  җиңел тоела. Умартачыга барысын да дөрес итеп оештырырга, барысын да вакытында һәм ялгышмыйча эшләргә кирәк. Шул вакытта гына яхшы уңыш алырга мөмкин, - дип аңлата ул. - Быел да уңыш яхшы булыр дип ышанам.
Курс үтү турында таныклык алган барлык умартачылар да бал кортлары белән шөгыльләнүнең мәшәкатьле булуын, әмма  шул ук вакытта күңелгә рәхәтлек бирүен яшерми.  Берәүләр өчен бу яраткан шөгыль, икенчеләр өчен – табышлы бизнес.  Барысы да оештыручыларга укулар өчен рәхмәтле, чөнки бу яңа тәҗрибә тупларга һәм белем  алырга гына ярдәм итеп калмый, бу яңа танышуларга да китерә.
Документны умартачыларга тантаналы рәвештә Питрәч районы башкарма комитеты җитәкчесе Альберт Хәбибуллин тапшырды.
Көллият базасында мондый курслар  туксанынчы елларда оештырылган инде. Учреждение җитәкчелеге бу тенденцияне торгызу инициативасы белән чыга. Умартачылыктан башларга булалар. Эшләнгән уку планы 507 сәгатькә исәпләнгән иде. Курслардан соң укучы 3-4 разрядлы умартачы була.
Оештыручылар мондый курсларны ел саен үткәрергә планлаштыра. Шулай ук сентябрьдә эретеп ябыштыручылар курсларын оештыру планлаштырыла, 12 кеше җыелган инде.
Булачак курслар турында барлык мәгълүматны көллиятнең рәсми сайтында белергә мөмкин.