Хөрмәтле район мәгариф учреждениеләре җитәкчеләре, укытучылар, тәрбиячеләр һәм педагогика хезмәте ветераннары!

Бу чара яңа уку елы дәвамында районның мәгариф тармагы алдында торган проблемаларны, бурычларны бергәләп карарга, фикер алышырга мөмкинлек бирә. Бүген, узган уку елы нәтиҗәләренә җентекле һәм һәрьяклап анализ ясап, сез яңа уку елына төгәл планнар һәм бурычлар билгеләрсез дип ышанам.
Хәзерге вакытта кемне дә булса сыйфатлы белемнән башка бүгенге һәм киләсе көнебезне күз алдына китерү мөмкин түгел дип ышандыру зарурлыгы юк. Югары белемле, квалификацияле белгечләр булу икътисад һәм социаль өлкәнең динамик үсешенең төп шарты булып тора. Шуңа күрә мәгариф мәсьәләләрен хәл итүгә мөмкин кадәр күбрәк игътибар бирергә тырышабыз. Район бюджеты средстволарының төп өлеше нәкъ менә мәгарифкә тотыла.
Безгә балаларыбызның уку буенча да, спортта да, үзешчән сәнгатьтә дә иң яхшылар рәтендә булуына ирешергә кирәк. Заманча мәктәпкә яңа идеяләр, укытучылар кирәк. Яңа мәктәп - ул яңа, белемле укытучы!
Берничә көннән район мәктәпләре үзләренең кызыксынучан, акыллы һәм талантлы укучыларына кабат ишекләрен ачачак. Киләсе уку елында район мәктәпләре 3360 бала кабул итәчәк, алар арасында 500 беренче сыйныф укучысы бар.
Яңа уку елы алдыннан мин барыгызны да, ата-аналарны һәм, әлбәттә, балаларыбызны, яңа уку елы башлану белән котлыйм! Барыгызга да нык сәламәтлек, уңышлар һәм иминлек телим!
Илһам Кашапов, Питрәч муниципаль районы башлыгы - район Советы рәисе.