Кощак авылыннан волонтер питрәчлеләргә үтенеч белән мөрәҗәгать итте

– Кадерле дуслар! 21 сентябрьдә гуманитар йөк һәм адреслы посылкалар җибәреләчәк, Луганск һәм Донецк халык республикаларына барабыз. Гуманитар ярдәмне үзебез алгы сызыкка илтәчәкбез. Сезнең ярдәмгә бик өметләнәбез.

Гигиена средстволарыннан кирәкле әйберләр исемлеге: дымлы салфеткалар һәм сөлгеләр, теш пастасы һәм щеткасы, сабын, порошок, авыз чайкагычлар, туалет кәгазе, бер тапкыр кулланыла торган кырыну станоклары, һәм кырыну өчен күбек/лосьон. Шулай ук азык-төлек: конфет, печенье, шикәр, бал, тиз әзерләнә торган пюре һәм токмач, консерва, тушенка, суган, сарымсак, бәрәңге, кишер, ярма, май, 1,5 литрлы су җыябыз. Киемнәрдән: эчке кием, оекбаш, футболка, трико кирәк.

Җыю пункты: Кощак амбулаториясе янындагы павильон, Комсомольская урамы, 13а йорт. Алдан шалтырату өчен телефон: 89520440006.