«Әлбәден» хәрби уеннары» яңа программа әзерли

Без яңа декорацияләр урнаштыру, фестиваль кунаклары өчен тагын да уңайлырак шартлар булдыру турында сөйләштек. Ә нәкъ менә өстәмә эскәмияләр, күләгә булсын өчен тент капламнары урнаштыру кирәклеге турында, - дип билгеләп үтте проект авторы Наилә Таҗиева. 

Киңәшмәдә шулай ук глэмпинг буенча белгечләр дә катнашты. Төнгә куна килергә планлаштыручы кунаклар өчен палаткалы лагерь урнаштыру мөмкинлеген карадылар. Алар вакыйганың ничек оештырылуын карый, барлык этапларны да урында күзәтә алачак.
Быел фестиваль кунакларын 3 көнгә исәпләнгән зур программа көтә. Фестиваль кысаларында «Җиңү тавышы»-«Җиңү авазы» республика хәрби-патриотик җыр фестиваль-конкурсы аерым узачак. Биредә төрле халыклар телләрендә патриотик җырлар яңгыраячак, ә аларның иң яхшыларын без концерт мәйданчыкларында 20 июньдә – фестиваль көнендә күрәчәкбез.
Патриотик юнәлештәге тагын бер палаткалы лагерь булдыру планлаштырыла, анда безнең һәм якын-тирә районнарның хәрби-патриотик хәрәкәтләрендә катнашучы 100гә якын кеше ял итә алачак. Алар фестивальне оештыруда катнаша һәм ярдәм итә алачак.
Фестиваль көннәрендә хәрби-гамәли спорт төрләре буенча республика чемпионаты да узачак.
Кунаклар 1941 һәм 1944 еллардагы ике реконструкцияне күрә алачаклар. Ике реконструкция дә бер сюжет линиясе белән берләштереләчәк. Оештыручылар барлык серләрне әлегә ачмыйлар, әмма 2021 елгы фестиваль озакка истә калачак, дип ышандыралар.