Ялган 5 мең сумлык
Татарстанда кулланышта 5 мең сумлык ялган акчалар йөри башлаган. Полиция хезмәткәрләре АТ 7018481 һәм АТ 0330624 серияле банкнотларга тап булган. Чын акчалардан аларны рәсемнәренең тоныграк булуы, Хабаровск гербындагы буяуның яшел тырнак буявы белән алмаштырылуы, рәсемнәрнең рельефлы булмавы һәм кайбер башка билгеләр аера. Мондый купюраларның кайда һәм нинди күләмдә җитештерелүе хакында әлегә мәгълүмат юк. Татарстан Эчке эшләр министрлыгы кешеләрне игътибарлы булырга һәм ялган акчага тап булган очракта Питрәч бүлеге хезмәткәрләренә 02; 3-12-10 номерына чылтыратырга чакыра.
