Ноябрь башында өстәмә ял көннәре булачак
Бу хакта ТР Хезмәт министрлыгы матбугат хезмәте искә төшерә.
Ноябрь башында татарстанлыларны өч көнлек эш атнасы көтә.
РФ Хезмәт кодексының 112 нче маддәсе нигезендә 4 ноябрь – Халыклар бердәмлеге көне – эшләми торган бәйрәм көне булып санала. Быел ул дүшәмбегә туры киләчәк.
«Татарстан Республикасының бәйрәм көннәре һәм истәлекле даталары турында» ТР Законы нигезендә 6 ноябрь – Татарстан Республикасы Конституциясе көне дә эшләми торган бәйрәм көне булып санала. Быел ул чәршәмбегә туры киләчәк.
Шул ук вакытта октябрь ахыры — ноябрь башында Россия халкына алты көн рәттән эшләргә туры киләчәк. 2 ноябрь шимбәсеннән ял көне 30 апрельгә күчерелде.
РФ Хезмәт Кодексының 95 нче маддәсе нигезендә эш көне ял көне алдыннан бер сәгатькә кыскара. Димәк, 2 ноябрьдә шимбә һәм 5 ноябрьдә шулай булачак.
Следите за самым важным и интересным в Telegram-каналеТатмедиа
