Питрәч районы башкарма комитетының яңа җитәкчесе билгеләнде

Илназ Ринат улы Ленино-Кокушкино авылында туган, хәзерге вакытта Салкын Чишмәдә яши. 2006 елда инженер белгечлеге буенча Казан дәүләт техник университетын тәмамлый. Аның бөтен хезмәт эшчәнлеге безнең районда узган. 2006 елдан 2014 елга кадәр Дәүләт теркәве, кадастр һәм картография федераль хезмәтенең Татарстан Республикасы буенча Питрәч районындагы идарәсендә хезмәт куя. 2014 елдан милек һәм җир мөнәсәбәтләре палатасы рәисе вазыйфасын үти. 2024 елда Питрәч муниципаль районы Башкарма комитеты җитәкчесе урынбасары итеп билгеләнә.