Питрәч районында «Герой атасы» фотокүргәзмәсе узачак
Экспозициядә шулай ук Россия Герое Иван Додосовның әтисе портреты тәкъдим ителгән
Фото: «Бердәм Россия» матбугат хезмәте
«Бердәм Россия» партиясе ТР районнарында «Герой атасы» фотокүргәзмәсен ача. 28 гыйнварда күргәзмәне Лаеш һәм Питрәч районнары кабул итәчәк.
Экспозициягә махсус хәрби операциядә һәлак булган улларының фотосурәтләре белән әтиләренең портретлары кергән.
Республика буенча үз юлын күргәзмә узган елның 13 декабрендә башлады. Экспозиция Татарстанның 30 районыннан 45 портретны берләштерде. Алар арасында дүрт Россия Герое: Раил Габрахманов, Иван Додосов, Михаил Марцев һәм Айнур Сафиуллинның әтиләре дә бар. Күргәзмә шулай ук 32 батырлык ордены кавалерының әтиләре турында сөйли. Алар арасында – Эчке эшләр министрлыгы пенсионерлары, Әфганстандагы хәрби хәрәкәтләр ветераннары һәм кадрлар хәрбиләре.
Экспозиция ел дәвамында Татарстанның барлык районнарында булачак. Нәтиҗәдә электрон фотокүргәзмә булдырылачак, аның белән 1941-1945 еллардагы Бөек Ватан сугышы Музей-мемориалында танышырга мөмкин булачак.
Следите за самым важным и интересным в Telegram-каналеТатмедиа
