Питрәч районыннан Юрий Суворов ТР десантчылар берлегенә җитәкчелек итә

Юрий Андреевич Суворов Белкино авылында туган, балачагын Богородскида үткәргән, ә мәктәпне Питрәчтә тәмамлаган.

Фото: «Татар-информ»

МИН ИГЕНЧЕЛӘР НӘСЕЛЕННӘН

– Минем барлык бабаларым – игенчеләр, җирдә яшәгәннәр һәм эшләгәннәр, – дип сөйли Юрий Суворов. – Бабаларыбызның берсе – Петр хәрби булган, РусТөрек сугышында катнашкан, хорунжий исеме һәм өч Георгий качы алган. Әни ягыннан бабайлар – Түбән Кама районыннан, шулай ук авылда яшәгәннәр.

Әнисе Лидия Кузьминична да, әтисе Андрей Николаевич та бала вакытта сугышны кичергән. Әтисе хәрби очучы булырга теләгән, ләкин травма алгач, сәламәтлеге буенча укуын ташларга туры килгән.

– Минем ике бабам да Бөек Ватан сугышында һәлак булган. Патриотик тәрбияне миңа Богородск авылында яшәгән икетуган Григорий бабай бирде – ул фронтовик, яхшы кеше иде. Әти-әни шулай ук Ватанга мәхәббәт тәрбияләделәр һәм минем һавадесант гаскәрләренә бару карарымны хупладылар.

Срочный хезмәттән соң Юрий Суворов Питрәч коррекцион интернат мәктәбендә эшли, Казан да Энергоинститут тәмамлый, Татэнерго системасында эшли, ә соңыннан металл прокаты белән сәүдә итү буенча үз компаниясен оештыра.

ДЕСАНТЧЫЛАР БЕРЛЕГЕ ҺӘМ ПАТРИОТИК ТӘРБИЯ

2013 елда Юрий Суворов Десантчылар берлегенә – Казан шәһәре буенча рәис урынбасары булып эшләргә килә, 2017 елда, республика оешмасы төзелгәндә, аны рәис итеп сайлыйлар.

Устав нигезендә Десантчылар берлегенең төп юнәлеше – яшь буынга патриотик тәрбия бирү: Ватанга, үз тарихыңа, хәрби сәнгатькә мәхәббәт тәрбияләү өчен билгеләнгән хәрби-гамәли чаралар, фестивальләр, батырлык дәресләре үткәрү, балалар лагерьлары оештыру. Шулай ук бу берлек ветераннар хәрәкәтенә дә ярдәм күрсәтә. Анжела Вавилова фондына үлем куркынычы булган авыру балалар өчен хоспис тотуга ярдәм йөзеннән акцияләр уздырганнар.

– Мәгариф министрлыгына сораулар күп, – ди Суворов. – Мәктәптә тарихны кыскарттылар, өстәвенә яшүсмер беренче чиратта белергә тиеш булган иң кадерле нәрсәләрне кыскарттылар. “Ватан-Ана” сүзен, гомумән, белмиләр, аны дәресләрдә ишетсәләр аптырап калалар. "Ватан нәрсәдән башлана" гыйбарәсен мәктәпләрдә сирәк искә алалар. Кайбер мәктәп директорлары Батырлык дәресләренә каршы.

Балалар сугыш һәм Ватанны саклау турында шикле нәфис фильмнар һәм компьютер уеннарыннан чыгып кына күзаллый. Сугышта үтерәләр, өзелгән кулаякны кире тегеп куеп булмый, дип аңлатырга да туры килә.

Балаларга махсус хәрби операция максатлары да аңлашылмый. Фронттагы солдатлар иң элек әниләрен, гаиләләрен, авылларын, шәһәрләрен, республикаларын, үз илләрен саклыйлар. Яңа төбәкләр – Херсон һәм Запорожье өлкәләре, Донецк һәм Луганск Республикалары – бу хәзер шулай ук Россия. Бу Җир өчен безнең бабаларыбыз Бөек Ватан сугышында кан койганнар. Анда безнең кешеләр яши. Ә фронт сызыгының теге ягындагы дошманны безнең солдатлар “фашистлар” дип кенә йөртәләр, чөнки алар “Яшь гвардия”дәге подпольщикларны җәзалаган немецларны да уздыралар.

ФРОНТКА ЯРДӘМ

Фотоны ТР десантчылар берлеге тәкъдим итте

Беренчеләрдән булып 2022 елның маенда ук “Десантчылар берлеге” безнең сугышчылар өчен Херсон юнәлешендә конвой оештыра. Ул вакытта әле моның ничек эшләнгәнен күз алдына да китерә алмыйлар, үз тәҗрибәләреннән өйрәнәләр. Төп берлек, Десантчылар берлегенең Питрәч, Мамадыш һәм башка бүлекләре бу эшне оештыруда катнашалар. Барысы да уңышлы узгач, чираттагы конвойлар оештыра башлыйлар. Шул ук елны “Алга” һәм “Тимер” батальоннарына шефлык итәләр. Хәзер десантчылар карамагында 30дан артык бүлекчә, шул исәптән 104 десантштурм дивизиясенең 1180 артиллерия полкы һәм 11 десант-штурм бригадасы.

«Хәзер сугыш башка төрле. Технологияләр, техника, сугыш стиле үзгәрә. Электроника бик күп. Шуңа күрә надан салдафоннар хезмәт итәргә тиеш түгел, чакырылучыларның хәтерләре, интеллекты үскән булырга, алар күп төрле корал белән эшли белергә, тапкырлык һәм зирәклек күрсәтергә тиеш».

Башта провиант, көнкүреш химиясе, кием-салым, аяк киеме илткәннәр. Хәзер инде егетләр кирәк-яраклар сорамыйлар, армия тәэмин итә. Әмма техника: квадрокоптерлар, тепловизорлар, прицеллар, радиоэлектрон көрәш җайланмалары буенча сорау һәрвакыт ачык кала – болар барысы да чыгым материаллары, сугышчылар, машиналар белән бергә һәлакәткә очрый. Яңадан алып килергә туры килә.

– Молодогвардейскта юл уртасында машинам ватылды, һәм 70 яшьлек бабай өеннән ярдәмгә чыкты, – дип сөйли Десантчылар берлеге башлыгы. – Һәм без аның белән тормыш турында сөйләшеп киттек. Аның әйтүенчә, Ющенкодан соң президент булып Янукович килгәч, кешеләргә яшәү күпкә җиңеләйгән, хезмәт хакын күтәргәннәр, шахталар эшли башлаган. Ул вакытта аларның мәйданда нинди ирек эзләгәннәре аңлашылмый. Ә хакимияткә килгәч, күп еллар урлашалар. Россия килгәнче анда бернинди юллар да булмаган. Без анда беренче тапкыр барганда юллар аяныч хәлдә иде. Һәм 2022-23 елларда Россия юллар, күперләр төзелешенә күп акча тотты – юлда йөрү шактый җиңеләйде.

ГАИЛӘСЕ НЫКЛЫ ТЕРӘК

Юрий Суворов үзенең булачак хатыны Елена белән танышканда аның кыз фамилиясе Кутузова була. Бу үзенә күрә ниндидер билге була.

– Елена – бик тыйнак кеше, игътибар үзәгендә булырга яратмый, – дип аңлата Юрий Суворов. Ләкин ул минем барлык башлангычларымны хуплый, минем айга бер, йә ике тапкыр була торган озын командировкаларыма рюкзагымны җыя. Һәм, әлбәттә, балаларны тәрбияләү дә аның өстендә булды.

Суворовларның балалары – Григорий һәм Анастасия – шулай ук әтиләренең иҗтимагый эшчәнлегендә катнашкан. Кызы лагерьларда да эшләгән, культмасса секторы өчен җавап биргән, пневматик винтовкадан снайперларча ата, парашюттан сикергән. Десантчыга кияүгә чыккан. Улы Тәтеш кадетлар интернат-мәктәбен тәмамлаган, быел Танк училищесына укырга кергән, хәрби-сәяси хезмәткәр факультетында укый.

– Монда принципиальлек мөһим, – дип саный Суворов. – Мин патриотик тәрбия белән бәйле постларны биләүче кешеләрне беләм, әмма аларның балалары хезмәт итмәгән. Миндә бу ялган тойгы тудыра. Әгәр син патриотик тәрбия белән шөгыльләнәсең икән – беренчеләрдән булып син үз балаларыңны шушы рухта тәрбияләргә тиешсең.