Питрәчле Вениамин Молчанов: “Үзең яшәгән район яңалыкларын белергә кирәк”

Тугыз ел элек Вениамин Молчанов Казанда яшәгән балаларына якынрак булу өчен Питрәчкә күченеп килгән. Район белән танышу, аның ничек яшәвен, кешеләрен белер өчен шунда ук “Вперед” газетасын яздырып ала башлаган.

– Мин бит хәзер Питрәч районында яшим, шуңа күрә район яңалыкларын белергә тиеш, – диде Вениамин Сергеевич. – Газетаның беренче битеннән алып соңгы битенә кадәр укып чыгам. Кеше тормышлары турында укырга яратам, төрле вакыйгаларның нечкәлекләрен белү кызык.

Элек газетаны аңа почта тартмасына салганнар, ләкин быел почтальон эштән киткән. Нәкъ шул вакытта ул газетада, газета алуда кыенлыклар булса, редакция ярдәм итәчәк, дигән язманы күрә. Ул күрсәтелгән телефонга шалтыратып, үзенең хәлен сөйли. Хәзер газетаны редакция шоферы атна саен аның кулына тапшыра.

– Мин бик канәгать. Инесса Егорова газетаны һәрвакыт вакытында алып килә. Җомга көнне төшкә кадәр аның киләчәген белеп торам, – ди ул.