Питрәч аграрийлары бөртеклеләрне җыюны төгәлләде

- Районыбыз иген-басуларындагы уңыш югалтуларсыз җыеп алынды һәм амбарларга кайтарылды. 
Урып-җыю вакытында 80 ашлык җыю комбайны эшләде. Һәр гектардан уртача 30,2 центнер уңыш җыеп алынды. Хәзер безгә 4700 гектарда техник культуралар җыясы калды, бу көнбагыш, рапс, горчица, майлы культуралар, - диде районның авыл хуҗалыгы һәм азык-төлек идарәсе җитәкчесе Илнар Хафизов.
- Югары нәтиҗәләргә ирешүдә безгә уңайлы һава шартлары ярдәм итте. Әмма тиешле технология булмаса, һава торышы гына яхшы уңыш китерми. Игенчелек культурасын арттыру һәм профессиональ эш алып бару уңай роль уйнады, - дип билгеләп үтте профильле министр Марат Җәббаров үз интервьюсында.