Питрәч районы башлыгы: "Бездә ел саен яңа торак һәм социаль өлкә объектлары барлыкка килә"

Хөрмәтле төзелеш тармагы хезмәткәрләре һәм ветераннары!

Сезне чын күңелдән һөнәри бәйрәмегез – Төзүчеләр көне белән котлыйбыз!
Сезнең тырышлыгыгыз белән безнең район яңа төс ала, ел саен яңа торак һәм социаль өлкә объектлары файдалануга тапшырыла, юллар төзелә, иҗтимагый киңлекләр төзекләндерелә. Шуны билгеләп үтәргә кирәк, тормыш бер урында гына тормый. Район үсә, перспективалы проектлар тормышка ашырыла һәм инфраструктура үсә. 
Бәйрәм алдыннан төзелеш өлкәсендә эшләүчеләргә намуслы хезмәтләре, һөнәрләренә  тугры булулары өчен зур рәхмәт сүзләрен җиткерәсем килә. Нык сәламәтлек, иминлек, барлык башлангычларда да уңышлар телим!

Илһам Кашапов, Питрәч муниципаль районы башлыгы-район Советы рәисе