Питрәч районы фермеры 30 миллион сумлык грант откан

Питрәч районындагы «Муллагалиев А.Р.» крестьян-фермер хуҗалыгы фермасы Татарстан Республикасы Авыл хуҗалыгы һәм азык-төлек министрлыгыннан 30 миллион сумлык грант алды.

Әлбәден авылындагы фермада хәзер 200 баш мөгезле эре терлек бар, шуларның 80е савым сыерлары. Ел башыннан алар 350 тонна сөт җитештерделәр, бер сыерга 4400 килограмм сөт туры килә. Шулай ук Питрәчтә сөт һәм әче сөт продукциясе, сырның төрле төрләре җитештерелә торган сөт цехы урнашкан», — дип уртаклашты район хакимияте матбугат секретаре Ләйсән Мифтахова.

КФХ башлыгы Адел Муллагалиевның планнарында - сыерларның баш санын һәм продуктлылыгын арттыру. Грант акчасына ул киләсе елда 150 башка исәпләнгән яңа сыер абзары төзи башлаячак.

ТР Авыл хуҗалыгы һәм азык-төлек министрлыгы мәгълүматларына караганда, Муллагалиевлар гаиләсендә беркайчан да фермер хуҗалыгы белән шөгыльләнмәгәннәр. Ул үзе бу тармакта очраклы гына булып чыккан: башта Әлбәден авылында йорт сатып алган, аннары туристларга күрсәтү өчен тәвә кошлары һәм дөяләре булган ферма төзегән, ә аннары мөгезле эре терлек сатып алган.

Әйтик, 2016 елда «Гаилә фермасы» программасы буенча аңа бизнес-план буенча 4 млн сум урынына 50 башка исәпләнгән сыер абзары төзүгә 1,5 млн сум бүленеп бирелгәч, ул 5 млн сумлык коммерция кредиты алды һәм Венгриягә барды.