Питрәч районы Әлбәден авылында Брест крепостен азат итү күренешен тәкъдим иттеләр
Аны йөзләгән тамашачы күзәтте.
«Әлбәден» «Хәрби уеннары» фестиваленең беренче көне кысаларында Әлбәден авылында 1 сәгать дәвамында "Брест крепосте. 1944 ел. Кайту" реконструкциясе тәкъдим ителде. Анда немец һәм совет хәрби техникасын җәлеп итеп Россиянең төрле төбәкләреннән килгән реконструкторлар катнашты.
Йөзләгән тамашачы бу күренештән онытылмас хис-кичерешләр алды.
Оештыручы Наилә Таҗиева билгеләп үткәнчә, фестиваль балаларны һәм яшьләрне патриотик тәрбияләүгә юнәлдерелгән.
Исегезгә төшерәбез, әлеге чара якташыбыз Петр Гаврилов истәлегенә багышлана. Ул - Брест крепосте сакчысы һәм Советлар Союзы Герое. Фестиваль ике көн дәвамында - 18 һәм 19 июньдә уза. Иртәгә, якшәмбе көнне ике реконструкциядә Бөек Ватан сугышының беренче көннәрен күрсәтәчәкләр.
Следите за самым важным и интересным в Telegram-каналеТатмедиа