Питрәч районында 4 йортка янгын хәбәрчеләре урнаштырылды

Питрәч районы буенча күзәтү эшчәнлеге һәм профилактик эш бүлеге хезмәткәрләре Бөтенроссия ирекле янгын сүндерү җәмгыяте башлыгы белән бергә мәҗбүри күченүчеләр яши торган дүрт йортта булдылар.

Йортларда 4 автомат янгын хәбәрчесе урнаштырылды, беренчел янгын сүндерү чаралары, торак фондның янгын куркынычсызлыгы чаралары турында белешмәлекләр таратылды, - дип сөйләде Питрәч районы буенча күзәтчелек эшчәнлеге һәм профилактик эш бүлеге башлыгы Рәмис Габдрахманов.