Питрәч районында "Балаларга ярдәм” акциясе үткәрделәр

Кайчандыр В. Гюго: "Балалар авазыннан да тантаналырак гимн җир йөзендә юк" - дигән. Кызганыч, балалар еш кына гаиләдән, матди иминлек, бәхетле балачактан мәхрүм ителгән. Иң мөһиме мондый хәлләрдә битараф булмау.
Питрәч муниципаль районының "Кайгырту" халыкка социаль хезмәт күрсәтү үзәгенең гаиләгә һәм балаларга социаль ярдәм итү бүләкчәсе, «Альпари» хәйрия фонды белән берлектә октябрь аенда «балаларга ярдәм итик» акциясе үткәрделәр, күп кенә балаларны иң кирәкле кием-салым, бишек, сабый өчен шешәләр, һ.б. белән тәэмин иттеләр. Мондый акцияләр игелеклелек идеясен, үзара ярдәм итү, ярдәм хисе тараталар, кешеләрне уңай эш-гамәлләргә һәм эшләргә өнди. Без барлык сабыйларга да бәхетле балачак телибез, юкка гына,чит балалар булмый, диләр бит.