Питрәч районында җиде җирлектә су коену өчен махсус урыннар оештырылачак

Питрәч районында Качману бәйрәме көнне православлылар 7 урында изгеләндерелгән суга чума алачаклар.

• Кощак (Флот чишмәсе янында);
• Пановка (күпергә кадәр җитмичә, сул якта);
• Аркатау, Надеждино авыл җирлеге (Аркатауга кергәндә уң якта кала). Купель янында күчмә мунча торачак, анда су коенганнан соң керергә мөмкин булачак;
• Керәшен Сәрдәсе (кибеттән соң төп юлдан сулга таба өйләр арасыннан узарга);
• Рус Казысы, Татар Казысы авыл җирлеге.
• Олы Дүртөйледә (Колай авыл җирлеге, бердәнбер юл аша барырга);
• Көектә («Куюковка» елгасы, Тукай урамы, 4 йорт янында) өч көн рәттән (19, 20, 21 гыйнвар) коенырга мөмкин булачак. 

Исегезгә төшерәбез, дин тотучыларның иң төп бәйрәмнәреннән берсе - Качману 19 гыйнварда узачак.