Алга

Питрәч районы

18+
Рус Тат
2024 - год Семьи
Җәмгыять

Питрәч районында яшь терлекләрне идентификациялиләр

Татарстанда эре мөгезле терлекләрне күпләп маркировкалау башланды. "АгроЛак-К" ҖЧҖдә яшь терлекләрне идентификацияләү безнең районда сынау проекты булды.

Без әлеге хуҗалыкта булдык һәм бу эшнең ничек баруын белдек.

Колай авылының терлекчелек фермасы - районның алдынгы хуҗалыкларыннан берсе. Биредә 1150 баш мөгезле эре терлек исәпләнә, шуларның 450 се - савым сыерлары. Узган ел һәр сыердан 7340 килограмм сөт савылган. Чагыштыру өчен, 2019 елда 6528 килограмм иде. Уртача савым 18 килограмм тәшкил итте, һәр бозау өчен көнлек артым - 908 грамм.

- Терлекләрне маркировкалау узган елның августыннан башланды. Бу вакыт эчендә 95 башка чип куйдык, - ди хуҗалыкның баш зоотехнигы Рафаил Галимов.

Яңа туган бозауларга икенче көнне үк инвентарь номеры бирәләр һәм икесенә дә электрон кодлы биркалар куялар.
Белгеч бу яңалыкның терлекчеләр өчен дә, сатып алучылар өчен дә уңайлы булуын билгеләп үтә. Телефон камерасын биркага гына китерергә кирәк, һәм хайван турында бөтен мәгълүмат – бозауның килеп чыгышы, токымы, вакцинация турында белешмәләр, анасының продуктивлыгы һәм инвентарь номеры күрсәтелә.

- Биркалар бозауның ике колагына да беркетелә, бу берсе төшеп китеп  югала калса дип шулай эшләнә, - дип ачыклык кертте Рафаил Галимов.

Хуҗалыкта терлекләрне маркировкалау белән яшь терлекләр белән эшләү бригадиры Надежда Карпова шөгыльләнә.

- Миңа бу эштә бозау караучылар булыша. Берүзең генә  моны үти алмыйсың  – терлекләрнең башын  туры  тотарга кирәк. Процедурадан соң бөтен мәгълүматны журналга кертәбез, - ди ул.

Ике ел эчендә республикада барлык хуҗалыкларда да терлекләрне чиплаштырырга планлаштыралар. Әлегә маркировкалау ирекле характерда.

Следите за самым важным и интересным в Telegram-каналеТатмедиа


Оставляйте реакции

0

0

0

0

0

К сожалению, реакцию можно поставить не более одного раза :(
Мы работаем над улучшением нашего сервиса
2
X