Питрәчнең 2013 елгы хоккей командасы турнирда 3 урын яулады

Казанлылар һәм ижевскилыларга гына 0:1 һәм 1:4 исәбе белән оттырып, питрәчлеләр турнир призерлары булдылар. Команда капкачысы Рамил Нигъмәтуллин турнирның иң яхшы капкачысы дип танылды һәм диплом, статуэтка һәм яңа хоккей баулы белән бүләкләнде.

Уенчыларга шәхси бүләкләр дә тапшырылды. Әмма безнең малайлар үз капкачыларының бу баулны алуын бик теләделәр! Алар моның өчен соңгы көчләренә кадәр көрәштеләр. Балаларыбыз белән шулкадәр горурландык, бу хисләрне әйтеп, аңлатып кына булмый. Шундый шатлыклы  мизгелләр кичерү өчен генә хоккейга килергә,   хоккей белән шөгыльләнергә  кирәктер ул, - дип билгеләп үтә команданың ата-аналар комитеты вәкиле Валентина Пушкова. 

Балалар да, әти-әниләре кебек үк, ярыштан бик канәгать һәм рухланып кайтты.

Турнир команданы тагын да берләштерде, ә безнең зур хоккей гаиләсе тагын да дуслашты, - дип сөйләде команда сакчысы анасы Юлия Барлева. - Кечкенә чакта Костя ешавырый иде, шуңа күрә без хоккейны сайладык. Бозда күнегүләр иммунитетны һәм характерны чыныктырды. 

Турнирда биш алканы команда һөҗүмчесе Артем Вангаев кертте. Ул дүрт яшьтән хоккей белән шөгыльләнә. 

Ике елдан ул минем белән «Ак Барс»уеннарына барды. Аннары кәшәкә сатып алдык. Бүген хоккей - ул аның тормыш рәвеше: мәктәп, дәресләр, аннары кичкә кадәр күнегүләр. Шуңа да карамстан улым  арымый.  Биредә аның дуслары, аның командасы, - диде малайның әтисе Александр Вангаев. 

Ата-аналар тренерларының эшен югары бәяли. Нәкъ менә ул аларны хоккей нечкәлекләренә   өйрәтеп калмый,  ә бер команда булырга, кыенлыкларны җиңеп чыгарга һәм уңышларына сөенергә дә өйрәтә.

Сезон уңышлы булды, барысы да уңышлы булды, әмма безнең команда уенчыларының ата-аналары ярдәме зур булды. Аларның һәрберсенә  командага ышанычлары, ярдәмнәре өчен рәхмәт белдерәсем килә. Бездә чын хоккейчылар үсүен белсеннәр! -  диде команданың тренеры Егор Маташков.