Питрәчнең «Кайгырту» үзәге хезмәткәрләре хезмәт ветераны янында булдылар

Питрәч районы «Кайгырту» үзәге белгечләре хезмәт фронтында катнашкан Владимирова Мария Гавриловнада булдылар.
Ветеран үзенең хатирәләре белән уртаклашты. Бөек Ватан сугышы башлангач, Марияне Казан шәһәренең МТСта өч айлык тракторчылар курсына җибәрәләр. Курслардан соң ул тракторчы булып эшли. Арышхазда һәм Ивановка авылларында җир сөрә. Яхшы хезмәте өчен аны бригадир итеп куялар. Үз хезмәтләре өчен Мария Гавриловна грамота һәм «Хезмәт ветераны» медале, Җиңү медальләре белән бүләкләнә.
Очрашу җылы һәм дустанә шартларда узды.