Питрәчтә авыл хуҗалыгы ярминкәсе узачак

10 сентябрьдән район үзәгендә традицион авыл хуҗалыгы ярминкәләре оештырыла башлаячак. Бу җомгада ул «Ак Барс» банкы янындагы мәйданчыкта нотариус бинасы янында 7дән 13 сәгатькә кадәр дәвам итәчәк.

Киштәләрдә яңа гына җитештерелгән кош, сыер ите, дуңгыз ите, балык, казылык, йомырка, сөт продукциясе, бал, сыр, яшелчә, җиләк-җимеш тәкъдим ителәчәк.

Ярминкәгә килүчеләрне коронавируска каршы чаралар күрүне сорыйлар.