Путин белән туры элемтә һәм йомгаклау матбугат конференциясе декабрьдә узачак
Россия лидерының матбугат секретаре Дмитрий Песков шулай дип белдерде.
Декабрьнең икенче яртысында РФ Президенты Владимир Путин белән берләштерелгән форматта туры элемтә һәм йомгаклау матбугат конференциясе узачак.
«Декабрьнең икенче яртысында берләштерелгән форматта туры элемтә элементлары кергән зур матбугат конференциясе була», - дип белдерде Кремль вәкиле журналистларга.
Искәртеп узабыз, былтыр туры элемтә һәм йомгаклау матбугат конференциясе 14 декабрьдә оештырылган иде.
Туры элемтә вакытында дәүләт башлыгы гражданнарның сорауларына җавап бирә, шулай ук россиялеләрнең теләкләрен һәм үтенечләрен тыңлый. Матбугат конференциясе барышында Россия лидеры төп икътисади һәм социаль күрсәткечләргә туктала, шуннан соң гаммәви мәгълүмат чаралары вәкилләренең сорауларына җавап бирә.
Следите за самым важным и интересным в Telegram-каналеТатмедиа
