Россиялеләрнең пенсияләре 1 гыйнвардан 7,3 процентка үсәргә мөмкин
Бу хакта Дәүләт Думасының Социаль сәясәт комитеты әгъзасы Светлана Бессараб хәбәр итте
2025 елның 1 гыйнварыннан россиялеләрнең пенсияләре 7,3 процентка артырга мөмкин. Индексанция эшләмәүче һәм эшләүче пенсионерларга да кагылачак.
«Пенсия һәм социаль фондлар бюджеты турындагы закон проекты нигезендә, 2025 елда иминият пенсияләрен 1 гыйнвардан 7,3 процентка индексацияләү тәкъдим ителә», — дип аның сүзләрен китерә РИА Новости.
Депутат билгеләп үткәнчә, 2026 елдан Россиядә пенсияләрне елга ике тапкыр индексацияләү планлаштырыла. Әйтик, 1 февральдән алар инфляция проценты нигезендә үсәчәк, ә 1 апрельдән фондның инвестпортфеле үсешенә карап артачак.
Тулырак: https://tatar-inform.tatar/news/rossiyalelarnen-pensiyalare-1-gyinvardan-73-procentka-usarga-momkin-5894148
Следите за самым важным и интересным в Telegram-каналеТатмедиа
