Шамил Садыйков «Татмедиа» акционерлык җәмгыятенең туган көне белән котлады
17 ел эчендә компания нәтиҗәлелеген исбатлады, дип билгеләп үтте генераль директор
Фото: © «Татар-информ»
«ТАТМЕДИА» акционерлык җәмгыяте генераль директоры Шамил Садыйков медиахолдингны 17 яшьлек туган көне белән котлады.
«Кадерле коллегалар! «ТАТМЕДИА» акционерлык җәмгыятенә 17 яшь тулды! Без балигълык яшен тутыру бусагасында. Шунысы куанычлы – Татарстанның медиахолдинг булдыру һәм әлеге форматта эшләү тәҗрибәсен Россия төбәкләре, шулай ук күп кенә якын чит илләр өйрәнә.
17 ел эчендә компания нәтиҗәлелеген исбатлады. Республиканың зур медиа-командасы көн саен яңалыклар әзерли һәм аларны кыска вакыт эчендә максатчан аудиториягә җиткерә. Без төрле жанрларда, төрле форматларда, төрле мәйданчыкларда эшли беләбез. Без яңа компетенцияләр үзләштерергә һәм шул ук вакытта төп миссиягә тугры булып калырга әзер.
Сезгә сәламәтлек, гаилә иминлеге һәм эшегездә уңышлар телим!
«Зур максатлар һәм бурычлар белән компаниябезнең 18нче яшенә аяк басабыз!» – дип котлау сүзләрен җиткерә медиахолдингның генераль директоры.
Следите за самым важным и интересным в Telegram-каналеТатмедиа
