ТАССРның 100 еллыгына багышланган «ТРның 100 легендар бренды» проектында тавыш бирү башланды

Һәр тармакта берьюлы берничә бренд-җиңүче билгеләнәчәк.
ТАССРның 100 еллыгына багышланган «Татарстан Республикасының 100 легендар бренды» проектының максаты – төбәкнең үткәнен, бүгенгесен һәм киләчәген үзара бәйләү.
Агымдагы елның 21 февраленә кадәр теләгән һәркем үзенең яраткан республика бренды өчен тавыш бирә алачак. Шул ук елның мартыннан тавыш бирүнең тагын бер этабы узачак, анда районнарның легендар брендлары катнашачак. Юбилей елында республиканың транспорт, массакүләм мәгълүмат чаралары, сәүдә, җиңел һәм авыр сәнәгать кебек иң эре тармаклары барысы да ничек башлануы турында сөйләячәкләр.
Легендар бренд өчен һәркем http://100brand.ru/ сылтамасы буенча тавыш бирә ала.