Татарстан аучылары махсус хәрби операциядә катнашучылар өчен мылтыкларын тапшыра ала
Бу хакта Татарстан Биоресурслар буенча дәүләт комитетында хәбәр иттеләр.
Татарстанда «Хәрбиләргә мылтык һәм сугыш кирәк-яракларын тапшыр» акциясе дәвам итә. Анда битараф булмаган аучылар катнаша.
Балык Бистәсе районы аучылары хәрбиләргә шома көпшәле мылтыкны тапшырган. Алынган корал дроннарга каршы көрәш өчен кулланылачак. Махсус операциядә катнашучылар сүзләренчә, моның өчен 12 калибрлы шома көпшәле мылтыклар иң нәтиҗәлесе дип санала.
Акциягә кушылу өчен Росгвардиясенең лицензия-рөхсәт эше район бүлегенә мөрәҗәгать итәргә кирәк. Мисал өчен, казанлылар мылтыкны Лазарев урамындагы 16нчы бинага китерә ала.
Махсус хәрби операция зонасына мылтыкларны Балтач, Бөгелмә һәм Ютазы районнары аучылары тапшырган инде.
Следите за самым важным и интересным в Telegram-каналеТатмедиа
