Татарстан халкына Курск өлкәсендә зыян күрүчеләр өчен ярдәм исемлеген искәрттеләр

Татарстан халкына Курск өлкәсендә Украина Кораллы көчләре һөҗүменнән зыян күргән халыкка гуманитар ярдәм итеп җибәреп була торган әйберләр исемлеген искәрттеләр.

«Ярдәм янәшә» хәрәкәте хәбәр иткәнчә, кирәк-яраклар арасында урын-җир, сөлгеләр, шәхси гигиена әйберләре, укучылар өчен канцелярия товарлары, азык-төлек, микродулкынлы мич, генератор һәм башка бик күп әйберләр бар. Тулы исемлек түбәндәге фотода.

Ярдәм җыю пунктларында кабул ителә. Казанда әлеге пункт Патрис Лумумба урамы, 4 йорт, 112 бүлмәдә эшли. Шулай ук кабул итү пунктлары Чаллыда, Әлмәттә һәм Базарлы Матак авылында да бар. Төгәл адресларны һәм элемтә өчен телефоннарны түбәндәге фотода карарга була. Шунда ук акча җыю өчен счет реквизитлары да күрсәтелгән.