Алга (Вперед)
  • Рус Тат
  • Яңа асфальт шоферлар өчен генә түгел, җәяүлеләр өчен дә

    Быел машина йөртүчеләр генә түгел, шулай ук күп кенә җәяү йөрүчеләр дә берничә проблемалы участокта яңа асфальт җәелүен бәяләргә өлгерде. "Кыңгыраучык" балалар бакчасы янындагы күлләвекләр аркасында тоткарланган питрәчлеләр, шулай ук Төзүчеләр урамында яшәүчеләр, Питрәч 1 нче мәктәбе укучылары, укытучылары һәм башкалар хәзер яңа тротуарлар ясауда ярдәм иткәннәрнең барысын да яхшы...

    Профессионал төзүчеләр, ремонтчылар бригадаларының һәм заманча техниканың эшенә карап тору - бер ләззәт. Барлык эш тиз, техник һәм нәтиҗәле башкарыла. Мастерлар иртәдән кичкә кадәр, ялларсыз трышып эшли. Эшкә керештеләр генә кебек иде, ә инде берничә көннән соң барысы да әзер, ә тирә-юньдә чиста һәм матур.

    Хәзер Совет урамындагы кайбер оешмалар территориясен төзекләндерү эшләре алып бара. Тиздән район Пенсия Фонды идарәсе һәм халыкны эш белән тәэмин итү үзәге бинасы каршында төзекләндерелгән тукталыш урыны һәм яңа клумбалар барлыкка киләчәк.

    - Без, офис биналары янында төгәл чикләре булган яшел зоналар юклыгына игътибар иттек, чәчәклекләр ваемсыз шоферлардан зыян күрә, - диде район башкарма комитеты җитәкчесе урынбасары Рамил Шәйхетдинов. - Хәзер анда муниципаль юл фондын ремонтлау һәм төзекләндерү буенча берьюлы берничә программа буенча эшләр алып барыла.

    Әлеге программалар кысаларында, сүз уңаеннан, Питрәчтә, Осипов, Яшел, Тау асты, Гагарин, Титов, Мелиораторлар, Гончар, Юбилей, Кыр һәм башка урамнарда яңа асфальт җәйгәннәр. Кощак балалар бакчасы һәм авыл советы бинасы каршындагы подъездны һәм тротуарны төзекләндергәннәр. Төрле республика программалары буенча төзелгән яңа объектларга да күп игътибар бирелә: ике яңа спорт мәйданчыгына (Питрәчтә һәм Богородскида) Званкада модульле фельдшер-акушерлык пункты, Питрәчтә һәм Ленино-Кокушкинода яңа күп фатирлы йортлар янына керү юлларына да асфальт җәйделәр. Бу җәйдә Карповкада төзелгән күп функцияле үзәк территориясен төзекләндерү эшләре бара. Шундый ук эшләр Шәледә яңа модульле ВАП һәм Кощакта авария хәлендәге торактан күчү программасы буенча төзелүче ике күп фатирлы йорт тирәсендә дә башкарырга туры киләчәк (аларны шулай ук 2016 ел ахырына тапшырырга планлаштырыла).

    Моннан тыш, күп балалы гаиләләргә бүлеп бирелгән участокларны төзекләндерү буенча бурычлар да үтәлә. Тиздән Олан Иле бу участокларга кадәрге юлларга вак таш җәю эшләренә керешәчәкләр. Шундый ук катлам Колай һәм Яңа Шигали авыллары юлларына да салыначак. Муниципаль юл фондын төзекләндерү программалары бездә беренче елын гына эшләми, шуңа да карамастан, аларны инвестицияләү күләме кимеми, ә хәтта, киресенчә, районда бу өлкәдә күп проблема кала.

    - Питрәчтә иң төп сорауларның берсе булып ишегаллары кала, - дип билгеләп үтте Рамил Шәйхетдинов. - Мишанин урамы тротуарлары искерде. Моңа өстәмә, анда машина кую урыннары юк. Киләсе елда, әгәр дә программаларны финанслау хәзергечә тотрыклы калса, без аларны, шулай ук Мелиораторлар урамын төзекләндерү белән шөгыльләнергә планлаштырабыз. Әлбәттә, башка планнар да бар. Чөнки юлларны ремонтлауга һәм тотуга бүлеп бирелгән акча күләмен республика киметми, бу эшнең өстенлекле юнәлеше

    Иң мөһим һәм кызыклы язмаларны Татмедиа Telegram-каналында укыгыз


    Нравится
    Поделиться:
    Реклама
    Комментарии (0)
    Осталось символов: