Питрәчле машинадан мәхрүм ителмәс өчен 68 штрафын түләгән

Питрәч районында юлларда штраф түләмәүчеләрне ачыклау буенча суд приставлары һәм ЮХИДИ хезмәткәрләре рейды узды. Бу эштә аларга «Юл приставы» аппарат-программа комплексы ярдәм итте, ул транспорт чараларының дәүләт номерлары буенча аларның хуҗаларының бурычларын билгеләргә мөмкинлек бирә.
Рейд башында ук бурычлы кеше табылган, аңа карата 68 башкарма производство кузгатылган булган. ЮХИДИ хезмәткәрләре 2021 елдан бирле юл хәрәкәте кагыйдәләрен бозган өчен гражданинга 34 мең сумнан артык штраф язганнар.
Ир-ат бер елдан артык дәүләт органнарының күрсәтмәләрнең үтәлеше турындагы таләпләрен үтәмәгән. Ирекле рәвештә бурычларын түләмәгән. Рейд барышында суд приставлары бурычлы кешегә аның Kia Rio автомобиле тартып алынып, бурычны түләп бетергәнче махсус стоянкага озатылачагын хәбәр иттеләр. Ир-ат мәшәкатьләрдән качып, барлык штрафларны да түләгән.