Шимбә һава шартлары начарлану сәбәпле, питрәчлеләргә юлда сак булырга киңәш итәләр
Синоптиклар җепшек кар, буран, көчле җил, юлларда бозлавык һәм кар көртләре фаразлый.
Синоптиклар фаразлавынча, 5 мартта, шимбә көнне республика территориясендә һава шартлары начарлануы көтелә.
ЮХИДИ искәрткәнчә, һава торышы начарланган очракта, йөртүчеләр максималь рөхсәт ителгән тизлек белән түгел, ә имин тизлекне сайларга тиеш. Каршы як полосага чыгу кебек куркыныч маневрлардан тыелырга киңәш ителә. Автомобиль салонында утыручылар барысы да иминлек каешларын эләктерергә, ә балалар махсус утыргычларда булырга тиеш.
Җәяүлеләргә урамда шулай ук игътибарлы булырга киңәш ителә. Юл аша бары тик яшел төс янганда һәм зебра буенча чыгарга, ә төнлә киемдә уткайтаргыч элементлар булырга тиеш.
Республика Дәүләт автоинспекциясе юлда йөрүчеләрне игътибарлы һәм юлда йөрү кагыйдәләрен үтәргә өнди.
Следите за самым важным и интересным в Telegram-каналеТатмедиа
