Узган атнада Питрәч районы юлларында 12 юл-транспорт һәлакәте булган

Узган атнада район юлларында 12 юл-транспорт һәлакәте булган, шуларның 6сы матди зыян белән. ЮХИДИ хезмәткәрләре ике исерек шоферны туктаткан, алар Көек авылы кешеләре, икесе дә эшсез.

Соңгы вакытта урамнарда төрле транспорт чараларын күрергә мөмкин: квадроцикллар, мопедлар, мотоцикллар, аларда, кагыйдә буларак, балалар яки яшүсмерләр йөри. Еш кына саклагыч җиһазларсыз, олылар озатуыннан башка һәм тиешле хокукларсыз.
 

Хөрмәтле ата-аналар! Балаларыгызга куркыныч “уенчыклар” сатып алганда, алар китереп чыгарырга мөмкин булган нәтиҗәләр турында уйлагыз. Балагыз руль артында юлга чыгып үзенең гомерен куркыныч астына куя. Юл хәрәкәте кагыйдәләрен үтәгез! Гомерегезне саклагыз!