Питрәч районында «Скорлупино» Бөтенроссия фестивале узачак

Ел саен "Скорлупино" ачык һәм бай программа оештыра. Быел без кунакларга Питрәч районы территориясендә яшәүче халыкларның йолалары, мәдәнияте, көнкүреше элементларын күрсәтәчәкбез. Кунак йортлары, халык уеннары оештырылачак, һәркем халык ашлары белән сыйлана алачак. Прологта без район үсеше тарихы һәм район белән бәйле легенда турында театральләштерелгән тамаша күрсәтәчәкбез. Традиция буенча йомырка белән фестиваль уеннары узачак, балалар мәйданчыгы эшләячәк», — дип уртаклашты Татарстан Республикасы АМО бүлекчәсе рәисе, «Форпост» үзәге директоры, фестивальне оештыручы Наилә Таҗиева.

Фестиваль программасында шулай ук Татарстан һәм Россия Федерациясе төбәкләре һөнәрчеләреннән мастер-класслар  планлаштырылган. 

«Ско-ко-парк» мәйданчыгында төрле каурыйлы токымнар тәкъдим ителәчәк: кызыклы фотозоналар, активлыклар, фестиваль уеннары, призлар әзерләнә. Шулай ук хедлайнерлар чыгыш ясаячак, яңа гастрономик рекорд куелачак, ул быел  Питрәч районы тарихы белән бәйле булачак, дип хәбәр итте бәйрәмне оештыручы.