Алга
  • Рус Тат
  • Бөтен урам бәйрәм итте

    "Урам бәйрәмнәре" кайчандыр районда бик популяр иде. Гадәттә аны "Питрәч таңнары" программасына кертәләр һәм ул әлеге чараның аерылмас бизәге булып тора иде. Быел балалар иҗат йорты инициативасы һәм Питрәч авыл җирлеге администрациясе ярдәме белән район халкының яраткан бәйрәмен яңадан үткәрергә булдылар. Шушы көннәрҗә Казан урамындагы балалар мәйданчыгында гөрләп "Урам бәйрәме"...

    "Урам бәйрәмнәре" кайчандыр районда бик популяр иде. Гадәттә аны "Питрәч таңнары" программасына кертәләр һәм ул әлеге чараның аерылмас бизәге булып тора иде.
    Быел балалар иҗат йорты инициативасы һәм Питрәч авыл җирлеге администрациясе ярдәме белән район халкының яраткан бәйрәмен яңадан үткәрергә булдылар. Шушы көннәрҗә Казан урамындагы балалар мәйданчыгында гөрләп "Урам бәйрәме" уздырылды. Чарада балалар да, олылар да бик теләп катнашты.
    Казан урамында яңгыраган күңелле көй бөтен Питрәчне яңгыратты. Кайберәүләр уеннарда катнашырга, ә кайберәүләр бәйрәм карар өчен бирегә ашыга. Бу көнне биредә бик күп уеннар, бәйгеләр уздырылды. Бәйрәмгә яңа гына балалары туган 14 яшь гаилә чакырылган иде. Аларның барысына да истәлекле бүләкләр тапшырылды.
    Ярышларга барлык командалар да бик тырышып әзерләнгән иде. Бәйгедә Мишанин, Мелиораторлар, Перчков, Казан, Осипов, Олимпия бистәсе командалары катнашты. Перчков урамы командасы "Визитка", "Иң яхшы букет", "Иң яхшы аш-су" номинацияләреннән җиңү яулап, бик яхшы чыгыш ясады. Ә музыкаль бәйгедә Олимпия бистәсе җиңү яулады.
    Җиңүчеләр һәм актив катнашучыларга район башкарма комитеты җитәкчесе Эдуард Дияров бүләкләр тапшырды.
    - Мин әлеге бәйрәмдә катнашуымы бик шатмын. Күреп торам, мондый чараларны сез дә сагынгансыз. "Урам бәйрәмнәре" озын гомерле булыр, киләсе еллар да да үткәрелер дип ышанып калам, - диде ул. Соңыннан Эдуард Мәхмүтович Осипов урамы командасы әгъзаларына яңа балалар мәйданчыгы төзер өчен сертификат тапшырды.
    Бәйрәм күңелле дискотека белән тәмамланды.

    Нравится
    Поделиться:
    Реклама
    Комментарии (0)
    Осталось символов: