«Гаилә-Party» яшь гаиләләр фестиваленә гаризалар кабул итү дәвам итә

Яшьләр үзәге «Гаилә-Party» яшь гаиләләр район фестиваленә гаризалар кабул итүне дәвам итә. Анда район территориясендә яшәүче 35 яшькә кадәрге гаиләләр катнаша ала. 

Фестивальдә дүрт юнәлеш эшләячәк. Алар: «Балалар йөгереше», «Коляскалар дефилесы», «Шук гаилә», «Гаилә чыгышы».

Җиңүчеләрне жюри билгеләячәк. Алар дипломнар һәм, әлбәттә, кыйммәтле бүләкләр белән бүләкләнәчәк.

Катнашу өчен заявкаларны 30 августка кадәр molcentr2009@yandex.ru почтасына җибәрү зарур.