Җиңүчеләрне "лайк"лар буенча сайлаячаклар

Районның нәфис сүз осталары һәм җырчылары сәгать саен район мәдәният йортының рәсми төркеменә керә. Катнашучылар Габдулла Тукай шигырьләрен укуларын һәм вокал номер башкаруларын видеога  төшерә һәм социаль челтәрләрнең берсендә урнаштыралар.
- Питрәчлеләр һәрвакыттагыча актив, гаризалар бик күп. Яшь буенча чикләүләр юк, үз чыгышларын яздырып өлкәннәр дә, балалар да җибәрә, - диде үзәкләштерелгән клуб системасы директоры Ләйсән Сәгыйрова.
Иң кызыгы шунда: җиңүчеләрне жюри түгел, ә тамашачылар сайлый. "Лайк"лар күбрәк тупласа, ул призлы урыннар алачак. Фестиваль лауреатларына бүләкләр үз-үзеңне изоляцияләү режимы тәмамланганнан соң тапшырылачак. Барлык катнашучыларга электрон дипломнар тапшырылачак.
"Тукай моңнары" дүшәмбегә, 27 апрельгә кадәр дәвам итәчәк. Конкурсантларның алга чыгу өчен вакыты бар әле.  Берәүләрнең җиңүгә теләге бик зур һәм  алар танышларын һәм дусларын лайк куюларын сорый ала. Кайберләре бу уңайдан бер дә  борчылмый.
Мин телефон аша  шигырь укучы Миләүшә Канафина белән элемтәгә кердем һәм  аның тәэсирләрен белештем.
 - Җиңү бик мөһим түгел, иң мөһиме – катнашу. Бу үзеңне күрсәтү, башкаларны карау өчен менә дигән мөмкинлек. Миңа шигърият ошый, лирик юллар аша рухи халәтеңне белдерергә мөмкин. Конкурска әзерләнгәндә, шигырьләр туплаганда, тулысынча шагыйрь иҗатына чумасың, - ди Миләүшә Канафина. Ул ”Родничок” балалар бакчасында дежур төркемдә эшли. Күп балалы ана  күп вакытын өч баласы белән үткәрә. Үз тәрбияләнүчеләре турында да онытмый, ата-аналар белән бергә төрле онлайн-конкурсларда катнашырга өнди.
Мәдәният бүлеге хезмәткәрләре үткәрә торган бердәнбер дистанцион чара түгел бу. Башка марафоннар арасында ”Уйнагыз, гармуннар”, ”Җырлыйк әле”, ”Җиңү өчен рәхмәт” марафоннары, алда-рәсем конкурсы. Китапханә хезмәткәрләре, үз чиратында, ”Туган телнең матурлыгын һәм Тукай мирасын саклап калыйк” дип исемләнгән әдәби марафон оештырдылар.