Ленино-кокушкинлылар татар шагыйрәсе белән очрашачак

Җомга көнне, 17 мартта, 14 сәгатьтә Ленино-Кокушкино китапханәсе татар язучысы Айгөл Әхмәтгалиева белән очрашу үткәрәчәк.

- Без ел саен берәр язучыны яки шагыйрьне чакырабыз. Бу инде традициягә әверелде. Бу юлы Айгөл Әхмәтгалиевага тукталдык, чөнки безнең укучылар аның китапларын укырга яраталар. Кунак безгә үзе турында сөйләячәк, үз әсәрләре белән таныштырачак, – дип сөйләде китапханә мөдире Таслимә Сәйфуллина.

Чараны Яшьләр үзәгенең актлар залында оештыралар, шул ук бинада китапханә урнашкан.