Питрәчлеләр Мамадыш районында узган Питрауда кунак булдылар
Мамадыш районының Җөри авылындагы Тырлау аланында республика күләмендәге Питрау бәйрәме инде егрме икенче тапкыр үткәрелде. Анда питрәчлеләр дә актив катнашты.
"Питрау" бәйрәме сәхнәләштерелгән тамаша белән башланып китте. Чарада иң элек керәшен фольклор ансамбльләре парады узды. Алар арасында Питрәч районы Керәшен Сәрдәсе авылыннан "Чулпы" керәшен халык ансамбле һәм "Сәяр" керәшен вокал ансамбле да бар иде.
.jpg)
Питрау күрке булып, әлбәттә инде, "Керәшен чибәре" бәйгесе санала. Әлеге бәйге керәшен сылуларының җыр-моңга сәләтен, хезмәт сөючәнлеген, аш-су, тарих һәм мәдәният өлкәсендәге белемнәрен сыный.
Керәшен чибәре булып Сарман районыннан Лиана Антонова танылды. Безнең чибәрләребез - Аида Сахарова һәм Маргарита Петрова "Иң яхшы пешерүче" һәм "Йолаларны яхшы белүче" номинацияләрендә җиңделәр.
Следите за самым важным и интересным в Telegram-каналеТатмедиа
