Питрәчлеләр республика фестиваленең район этабында үзләренең иҗади сәләтләрен күрсәттеләр
«Без бергә» республика балалар халык иҗаты фестиваленең район этабы Питрәч икенче мәктәбендә 254 катнашучыны бергә җыйды.
7-16 яшьлек башкаручылар конкурсның мәктәп этабы нәтиҗәләре буенча сайлап алынды. Катнашучылар жюри хөкеменә үзләренең иң яхшы номерларын тәкъдим иттеләр. Алар барысы унбер номинациядә чыгыш ясадылар. Вокалчылар биючеләрне алыштырды, сәхнәгә биючеләр, уен кораллары ансамбльләре чыкты... Барлык артистлар - матур милли костюмнар кигән иде. Төрле халыклар музыкасы яңгырады. Чөнки бу фестивальдә иң мөһиме - милли халык иҗаты.
Җиңүчеләр соңрак билгеләнәчәк. Алар «Без бергә» республика фестиваленең зона этабында район данын яклаячак. Моның өчен конкурсны оештыручылар, балалар иҗат йорты хезмәткәрләре район этабы барышында видеога төшерделәр. Иң яхшы видео республика жюрие хөкеменә җибәреләчәк.
Зөһрә Галимуллина фотосы
Следите за самым важным и интересным в Telegram-каналеТатмедиа
