Мәдәният
“Скорлупино” Бөтенроссия фестивале булмаячак
Республикада кошлар гриппына бәйле хәлнең кискенләшүе сәбәпле, вирусның таралуын булдырмый калу өчен, “Скорлупино” оештыру комитеты 21 июльгә билгеләнгән бәйрәмне үткәрмәскә карар итте
Хәзерге вакытта кошлар гриппы белән авыру очракларының Татарстан Республикасында да булуы рәсми рәвештә расланды. Вирус, аерым алганда, Чүпрәле, Кайбыч, Кама Тамагы, Тәтеш һәм Апас районнарында табылган. Фестивальне оештыру комитеты гафу үтенә һәм әлеге хәлләрне исәпкә алып, моңа аңлап карауларын сорый.
Следите за самым важным и интересным в Telegram-каналеТатмедиа
