«Йолдызлык-2020» фестиваленең Питрәч лауреатлары дәүләт стипендияләре алды

Бүләкләрне коллектив җитәкчеләре алды.

Президент стипендияләрен тапшыру - ул һәрвакыт дулкынландыргыч вакыйга, яшермим, бу мактаулы да әле. Бүләкләү тантанасы рәсми чара булуга карамастан, бу очрашулар һәрвакыт дустанә, җылы шартларда үтә. Без катнашучыларның барысына да бик рәхмәтле. Менә инде ничәнче ел  минем иҗади эшчәнлегемне һәм кечкенә артистларымның эшен югары бәялиләр. Үз чиратыбызда, марканы тотарга тырышачакбыз: хезмәт итәргә, үсәргә һәм яңа үрләр яуларга, - дип кичерешләре белән уртаклашты «Пластилин» хореография студиясе җитәкчесе Ирина Моисеева.

 «Йолдызлык» фестиваль хәрәкәте безгә кабат бүләк ясады – безне бергә җыйдылар һәм бүләкләделәр, - диде «Гретта» халык бию коллективы җитәкчесе Людмила Александрова. - Узган ел без беренче урынны алдык. Бу бүләкне бик көттек. Бу көнне педагоглар, ата-аналар һәм балалар адресына бик күп җылы сүзләр яңгырады. Балалар бик бәхетле һәм канәгать. Без барысына да уңышлар телибез. Быел да яхшы чыгыш ясарга язсын.

Барлыгы 40 стипендия тапшырылды. Тантаналы чара Татарстан Республикасы Министрлар Кабинетында узды. Премияләрне ТР Премьер-министры урынбасары Ләйлә Фазлыева тапшырды.
Бүләкләрне тапшыру 2021 елгы фестивальнең беренче суперфиналы алдыннан узды, ул 17 апрельдә «Уникс» мәдәни-спорт комплексында узачак. Гала-концерт шулай ук 22 апрельдә «Уникс» сәхнәсендә узачак, ә форумның финал аккорды «Пирамида» мәдәни-күңел ачу комплексы сәхнәсендә катнашучыларның чыгышлары 6 майда булачак. Нәкъ менә шунда проектта җиңүчеләрнең һәм Гран-при ияләренең исемнәре игълан ителәчәк.

Питрәч йолдызчыкларына уңышлар телибез!