Көек авылының «Золотая рыбка» балалар бакчасы грант конкурсында җиңүче булды

- Бу проектның төп максаты нидән гыйбарәт?

- Аның төп максаты - мәктәпкәчә белем бирү учреждениеләренә йөрми торган балаларга дистанцион технологияләр куллану юлы белән түләү алмыйча, белем бирүне гамәлгә ашыручы ата-аналарга сыйфатлы методик, психологик-педагогик, диагностик һәм консультатив ярдәм күрсәтү.
Бүгенге көндә балалар бакчасының гаиләләр белән хезмәттәшлеге, мәктәпкәчә белем бирүнең сыйфатын күтәрү мәсьәләләренә ата-аналарны җәлеп итү, тәрбияләнүчеләрнең гаиләләре белән нәтиҗәле хезмәттәшлекне оештыру актуаль һәм фикердәш тема булып тора. Мәктәпкәчә белем бирү оешмасына йөрмәүче балалар белән ата-аналар өчен безнең балалар бакчасы базасында 2020 елның февралендә консультация үзәге ачылды. Бу үзәк барлык балаларга, шул исәптән физик мөмкинлекләре чикләнгән балаларга да, көндезге формада, шулай ук дистанцион технологияләр кулланып, психолог, логопед, тәрбияче, музыкаль җитәкченең консультацион ярдәмен алырга мөмкинлек бирде.
Белгечләрнең эш графигы һәм төрле мәсьәләләр буенча консультация бирү: баланың физик, психологик рухи, танып-белү үсеше, баланың үз-үзен тотышын исәпкә алып, шәхесе; тәрбия проблемалары һәм аларны хәл итү ысуллары белән килеп туган сораулар буенча консультацияләр; мәктәпкәчә белем алуның гаилә формасын гамәлгә ашырганда тәрбия һәм белем бирү процессын оештыру мәсьәләләре буенча консультация бирү; логопед консультациясе; дистанцион консультация бирү.

- Консультация үзәге кысаларында эш ничек алып барыла?

- Консультация үзәге эше ике форматта башкарыла: турыдан-туры (көндезге) һәм дистанцион формада. Хәзерге вакытта коммуникацион һәм мәгълүмати технологияләр үсеше тиз темплар белән бара, балаларны, ата-аналарны укыту компьютер технологияләре белән тыгыз бәйләнештә тора. Мәктәпкәчә белем бирү җәмгыятьнең заманча таләпләренә җавап бирергә тиеш. Шуңа күрә дистанцион белем бирү технологияләре ата-аналарга һәм балаларга ерак арада педагогик ярдәм күрсәтү, актуаль мәгълүмат алуда ярдәм итү, ата-аналарны мәгариф процессына җәлеп итү, балалар белән нәтиҗәле ял итү мөмкинлеге бирә торган балалар һәм аларның гаиләләре белән үзара бәйләнеш чараларының берсе булды. Бу, беренче чиратта, сәламәтлеге торышы буенча һәм мәктәпкәчә учреждениеләрдә урын җитмәү сәбәпле, балалар бакчаларына йөрмәүче балаларга кагыла. Дистанцион укыту технологияләреннән файдаланып, ата-аналар кирәкле мәгълүмат алалар, ә балалар - белем бирү программасын сыйфатлы үзләштерү өчен өй шартларында кирәкле белемнәр алалар. Консультация үзәгендә эш алып барганда, безнең белгечләр ата-аналарга әзер рецептлар бирергә тырышмыйлар, ә балалары белән бергә эшләү, практик күнекмәләр булдырырга тырышалар.

- Көндезге формада укулар ничек уза?

- Балалар әти-әниләре белән бергә балалар бакчасына берничә сәгатькә киләләр. Бу вакытта алар белән квалификацияле белгечләр шөгыльләнә. Дәресләр уен формасында, әниләр катнашында үткәрелә. Шул ук вакытта консультант булачак тәрбияләнүче һәм аның гаиләсе белән таныша, ә ата-аналар баланың әйләнә-тирәдәгеләргә, балалар бакчасына ничек ияләшүен күрә. Сабыйның әнисеннән аерылу алдыннан куркуы кими, шулай ук аналар адаптация процессы өчен азрак борчылалар. Баланың бу формада шөгыльләнүенең төп максаты - иртә социальләшүне тәэмин итү һәм балалар бакчасы шартларына җайлашуны тәэмин итү. Моннан тыш, балаларның физик һәм психик сәламәтлеген ныгыту, танып-белү процессларын үстерү бара.
Безнең тарафтан эшләнгән проект-социаль хезмәттәшлекнең перспективалы һәм нәтиҗәле төре, ул вакытта мәктәпкәчә учреждение бала һәм атааналар арасында арадашчы була, аларның мөнәсәбәтләрен яхшыртырга, җайга салырга ярдәм итә.