Алга (Вперед)
  • Рус Тат
  • Ленино-Кокушкино көллиятендә бүгенге көндә 70 студент укый

    Әле узган ел уку йорты ябылу куркынычы астында иде

    Тәнәфес вакыты, коридорда шау-шу, кызлар һәм егетләр бер-берсе белән соңгы яңалыклар белән уртаклаша, нидер фикер алыша, көлешәләр. Узган ел монда 9 гына кеше белем алуына ышануы кыен. Шул сәбәпле, көллиятне ябулары да бик мөмкин иде. Бу хәлне булдырмас өчен район Мәгариф министрлыгына мөрәҗәгать итте һәм ярдәм алды. 
    Беренче чиратта, көллиятне яңа студентлар ярдәме белән саклап кала алдылар. Укытучылар эш җиңелләрдән булмавын таный. Чөнки хәзер бик азлар гына эшче һөнәрләренә барырга тели, һәм, өстәвенә, мәктәптән соң күп кенә укучылар зур шәһәрләргә китәргә тели. Барлык каршылыкларга да карамастан, сентябрьгә 3 белгечлеккә 70 кеше җыйганнар: гомумтөзелеш эшләре осталары, авыл хуҗалыгы җитештерү осталары, икътисад һәм бухгалтер исәбе. Монда Көек, Питрәч, Ленино-Кокушкино, хәтта Теләче һәм Казанда яшәүчеләр белем ала. Укучылар бу көллиятне, беренче чиратта, өйдән ерак булмавы аркасында сайлаган, юлга да вакыт сарыф итәргә туры килми аларга. Көн саен өйләренә кайтып йөри алмаганнар өчен тулай торак бар. 
    Көллиятнең үсеше моның белән генә тукталып калмаячак. Инде киләсе елда ук өстәмә 60 кеше җыячаклар, логистика өлкәсендә яңа белгечлек кертергә планлаштыралар. 
    Студентларның тормышы әле башланды гына. Әмма алар инде аңа чумып, күңелләреннән ләззәт ала. 


    Студентлар арасында сораштыру: киләчәктә кем булырга телисез? 

    Никита Вильданов: 
    “Зур техника механигы, бу һөнәр яхшы һәм түләү дә тотрыклы”. 

    Виктория Шуплецова: 
    “Бухгалтер. Миңа саннар, таблицалар, кәгазьләр белән эшләү ошый. Бу бик күңелле һәм кызыклы". 

    Динара Моратова: 
    “Абый бухгалтер булырга киңәш итте. Ягъни алган белемнәремне мин эштә генә түгел, шәхси тормышта да куллана алачакмын. Киләчәктә үз акчаларым, үз чыгымнарым белән дөрес эш итәчәкмен”. 

    Павел Матюничев: 
    “Автомеханик. Машиналарны, двигательләрне сүтү, аларны җыю, рәтләү миңа ошый. Тагын безнең белгечлек буенча машина йөртү хокукы бушлай бирелә”. 

    Иң мөһим һәм кызыклы язмаларны Татмедиа Telegram-каналында укыгыз


    Нравится
    Поделиться:
    Реклама
    Комментарии (0)
    Осталось символов: